How to Apply D Pharma Renewal Registration in Uttar Pradesh Pharmacy Council (UPPC) – Step by Step Guide 2026

Introduction

Jaisa ki aapne pichale article How to apply D Pharma Registration ke bare mein aapne jana ki pharmacist ke roop mein apna registration kaise karte hai, isi tarah aaj ke is article mein main aapko batane wala hu ki pharmacist ke registration ko renewal ke liye apply kaise karte hai aur apply karne ki fees, process aur document requirement kya kya hoti hai.

D Pharma Registration Renewal Karna Kyu Zaruri Hota Hai?

D Pharma registration renewal karna bahut zaruri hota hai, kyuki ye sirf formality nahi, balki legal aur professional requirement hai.

1. Legal Requirement

• Pharmacy practice karne ke liye aapka registration valid hona chahiye.
• Agar renewal nahi karte hai to aap illegal pharmacy or practice kar rahe hai.
• Isase fine ya legal action ho sakta hai.

2. License Active Rakhane se Fayade.

• Aapka Pharmacist license ek expiry date ke sath aata hai yani ki jo aapka license jaru hota hai useke sath mein ek green card issue hota hai aur green card mein registration valid aur expiry ka date hota hai.
• Jab aap time to time apne d pharma registration ko renewal karate hai to wah active and valid rahata hai aur sabhi jagah kam karta hai.
• Aapka pharmacist Registration expiry hone ke baad aap chemist shop ya hospital mein job nahi kar payenge.

3. Job And Business ke liye Mandatory hota hai.

• Yadi Aap Medical Store kholana chahte hai to aapka pharmacist valid hona chahiye.
• Yadi  Aapka D Pharma ka registration expiry ho gaya hai, to Drug inspector verificationke time renewal certificate check hota hai.

4. Late Fees / Penalty Se Bachane Ke liye.

Time par renewal nahi kiya to late fees lagati hai, kabh kabhi registration cancel bhi ho jata hai, aap time par apna registration renewal nahi karte hai to late fees ke sath sath penalti bhi lagti hai,  time par renewal registration karne par late fees aur penalti se bach sakte hai.

5. Updated Records Maintain Hote Hai.

Time par Registration Renewal Karne par D Pharma council ke pass aapka latest address, qualification, status update rehta hai

Required Document

Online Renewal Karne ke liye aapko jyada document ki aawashykta nahi hoti hai aap sirf do document se registration ko renewal kar sakte hai.

• Registration Certificate.
• Green Card.

agar aapko image ko PDF mein convert karna hai to aap hamara free tool use kar sakte hain: JPG to PDF Converter Tool

D Pharma Registration Renewal Online Apply Kaise Karein ?

Jaisa ki aapne upar jana ki d pharma registratio ko renewal karana kyu mandatory hota hai, to chaliye ap step by step yah bhi jan lete hai ki d pharma ka registration renewal ke liye kaise apply karte hai online.

Agar tum direct website par jaana chahte ho to yahan se login kar sakte ho:

🔗 UP Pharmacy Council Official Login Portal

Step 1: Dashboard Open Karein.

Official Website par jane ke baad, aapke dwara new registration karte time banai gayi id aur password dalkar dashboard ko open karein.

Step 2: Request for Renewal/Restoration of Pharmacist's Registration.

Dashboard open hone ke baad Request for Renewal/Restoration of Pharmacist's Registration par aapko click karna hoga. Click Karte hi aapke samne 3 option dikhai dega.

1. Apply for Renewal/Restoration of Pharmacist.
2. Instructions for Renewal Card Service.
3. View Registration Application Stutus.

Step 3: Apply for Renewal/Restoration of Pharmacist.

Renewal Registration karne ke liye Apply for Renewal/Restoration of Pharmacist par click karna hoga, jaise hi aap Renewal Registration par click karenge to aapke samne ek pop-up visible hoga, jisme do option dikhai denge

• UPPC Portal.
• Through Offline Mode.

Step 4: Select UPPC Portal.

Yadi aapne apna registration online portal ke dwara kiya hai, to renewal ke liye aapko uppc portal select karna hoga, lekin aapka registration bahut purana hai aur aapne registration ofline karwaya hai, to through offline mode select karna hoga.

Step 5: Fill Registration Details

UPPC Portal Select karne ke baad aapko kuchh details fill karna hoga jaise ki :

• Registration Number
• Registration Date
• Date of Birth

Ye Details fill karke aapko seach karna hoga aur search karte hi aapka previews details dikhai dega aur yaha par aapko registration certificate, green book card upload karke proceed karna hoga.

Step 6: Fee for Renewal Registration

Upar bataye gaye certificate aur green card upload karke proceed karte hi aapke samne fees payment karne ka ek page open hoga jahan se aap renewal ki fees ka online payment karke apna renewal registration ka form succeessfully complite kar lenge

Fees Details

• Fee Applicable = Rs. 1500.00
• GST (18%) = Rs. 270.00
• Total Amount Payable = Rs. 1770.00

Download Certificate & Track Application Status

Certificate Download Karne aur status check karne ke liye aapko apne dashboard par aana hai aur renewal wale option ko select karna hai, aur waha par aapko view application status ka ek option dikhai dega jahan se aap apna application status check kar sakte hai aur certificate aprove hone ke baad wahi se aap download kar sakte hai.

FAQs (Frequently Asked Questions)

Q1. Kya D Pharma ka Registration Renewal Karana Zaruri Hota Hai.

Haan, D Pharma Ka Registration Renewal karane se aapa registration valid rahta hai.

Q2. Renewal Nahi Karane se Kya Hoga ?

Registration Invalid Ho Jayega, Yadi Aap Renewal Time to time nahi karate hai to aapka registration invalid ho jayega aur aap ek pharmacist ke roop mein karya nahi kar payenge.

Q3. Renewal Registration fees kitni hai?

Approx ₹1770.00

Q4. Renewal Registration kitne din mein aprove hota hai

yadi aapne sahi tarike se renewal ka form fill kiya hai to 15-30 din mein approved ho jata hai.

Q5. Kya Renewal Registration Online Hota Hai.

Haan. Renewal Registration ka pura process online hota hai.

Conclusion

Mujhe Ummid Hai ki ya article apko samajh mein aaya hoga aur aapke liye kabhi upyogi sabit hui hogi, aur aapne yah jankari prapt kar li hai ki d pharma ka renewal ke liye aaply kaise karte hai, yadi yah jankari aapke liye upyogi sabhit lage to is article ko apne dosto ke sath bhi share karein, 

Thank You.